巡場男:學生哥要睇!嚴選抵玩平板

巡場男:學生哥要睇!嚴選抵玩平板

作者:Estelle    發表日期:2019-04-09 13:04:39

踏入暑假,學生哥放假,但巡場男邊度有得抖!最近行先達收風,以為熱賣款式不離S8或翻生Note 7 FE,誰不知原來平板有小陽春!明查暗訪下,原來今時今日不少學生要用平板做功課甚至暑期作業,吸引到家長們落場幫子女買番部!既然係咁,就等巡場男出動,幫大家搜羅場中值得推介嘅平板啦!

新淨二手 iPad Pro
雖然貪新忘舊係人類本性,但若然預算不足,買二手仍不失為好選擇。好似最近新版iPad Pro上市,舊版放機潮隨即開始!以介紹一部12.9吋大版iPad Pro 128GB為例,目前原機售價過六千,現在二手幾乎八折發售,而且機身屏幕非常新淨,仲送半年Apple Care保養,有咩頭暈身㷫都唔使煩!唯一缺點是Wi-Fi版,想隨時上網會較為麻煩!至於與之配合的Apple Pencil價錢又如何呢﹖對不起!巡場男搵勻全場都唔見有二手,有Sales笑說:「講真差唔多成千蚊一枝筆,買嘅人都好少,無人買又邊有人放呢﹖」

輕巧之選 Galaxy Tab S2
講起平板,好多人鍾意iPad,不過iOS系統始終比較封閉,使用起來不夠Android方便,所以Android平板都好多人搵。Samsung Tab S2當年以iPad Mini為假想敵,厚度及重量分別只有5.6mm及265g,相當適合學生哥攜帶使用。它另一賣點是選用罕有的4:3屏幕比例,直身看文件更加舒適,睇電子書比例亦剛剛好!兩年前9.7吋LTE版本賣近五千蚊,現時場內有大量二手選擇,二千有找,仲送原裝筆記式保護套,要知道呢個套當年都賣幾嚿水呢!

長氣國行 小米平板3
與手機一樣,小米平板一向以抵玩見稱。最新一代小米平板3於早前「米粉節」推出,整體規格未有大幅改動,內置MediaTek MT8176六核心處理器、7.9吋Retina屏幕、4GB RAM、64GB ROM及1,300萬像素後置鏡頭,電池容積高達6,600mAh,可連播12小時電影,待機更長達867小時,買咗唔使煩充電!惟留意此機未有行貨,場內賣的全是俗稱「國行」的內地行貨;不過放心,繁體中文、Google Play佢全部有齊,用落跟港版唔會有分別。

最後清貨 Nexus 9
Google好耐無出自家平板,Pixel C雖然規格不錯,但定價唔太親民,想平價又買到Goolge「親生仔」血統的話,上一代的Nexus 9最近小量翻貨,不妨諗諗!Nexus 9是首部配備64-bit處理器的平板電腦,跟iPad Mini同樣是4:3比例,屏幕為8.9吋,並配備BoomSound雙喇叭,音色在當年來說數一數二。場內的新機數量唔多,賣的主要是黑色32GB LTE版,Sales指賣完未必再補貨,而且因為再無行貨,所以再減的機會不大,想買就事不宜遲了!

平過山寨 Lenovo Tab 3 7 Essential
好多人買平板但求上網或睇片,大陸山寨平板雖然夠平,幾百元有交易,但質素無保證,更隨時植入咗病毒或後門,用落始終唔放心。Lenovo Tab 3 7 Essential已推出一段時間,配置7吋1,024x600解像度IPS屏幕、MediaTek 1.3GHz四核心處理器、1GB Ram、16GB ROM及200萬像素主鏡頭,機能來說不算非常出眾,可是對於只需要上網及睇片的用家來講,已經綽綽有餘。而最最最重要一點,是大廠出品的它,竟然售價不到一千元,絕對比大陸山寨更加抵玩。

所以一到這個時間貼身保暖設計的多功能保暖內衣就很受歡迎,並且適用於冬天穿搭學生的穿著,即使是穿的很單薄也不用擔心寒冷,因為它主要起到了保暖的作用。


本文來源:http://hk.on.cc/hk/bkn/cnt/lifestyle/20170708/bkn-20170708174542879-0708_00982_001.html