泰國高中 驚現全球最黐線12碼入法!

泰國高中 驚現全球最黐線12碼入法!

作者:Gloria    發表日期:2017-10-23 03:14:02

即上英超刨績王:http://win.on.cc/epl 

黃興桂講過,12碼一係入一係唔入,但點樣入,都有好多唔同方法。唓,唔係高波就係地波、最多咪好似派路咁整個唧射,會有幾誇張呀?呢個世界無奇不有,自己未睇過就唔好咁快下結論,睇完呢條片就包你即刻O曬咀,因為堅誇過漫畫!

近日FOX SPORTS Asia fb專頁,轉載咗來自泰國Phakawat Top專頁嘅一條球賽片段,據講係當地高中嘅比賽,片入麵見到兩隊正互射12碼分勝負。主射一方大腳一抽,個波中楣彈上高空,連個波飛咗去邊都睇唔到,個門將興奮到嘔即刻衝咗去振臂慶祝,而主射嘅朋友仔,就好唔開心彎腰冇眼睇。

件事當然唔會就咁完啦,之後個波跌番落地,竟然因為有西彈番向龍門方向。到門將知道之後,因為衝得太遠趕唔切救番,最後個波彈咗走網,完成呢次勝負大逆轉!所以話呢,場波一日未完,都唔知邊個贏邊個輸,球證未吹雞,千祁唔好慶祝住先,唔係輸場波事少,畀人笑一世事大呀!

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20171022/bkn-20171022182825258-1022_00882_001.html